ليه يارب خلقتني انثي ومشاعري تتكتم جوايا
عماله اكلمه ويكلمني ومش عارفه ايه النهايه
ياتري هنتفارق ولا هنبقي لبعض وتكمل الحكايه
اسلوبه الجميل محسسني ان قصتنا هتبقي اجمل روايه
جوايا مشاعر كتيرة نحيته ومش قادرة اوضح النوايه
فانا بنت وصعب عليا اصارحه ان هو دوايا
نفسي اغمض عيني وافتحها الاقيه ويايا
من كلامه معايا ناقص يقول ان روحه فدايا
بس مبينطقش بكلام يدل انه هيكمل معايا
اسيبه وابعد وادوس علي كل اللي جوايا
ولا استني يمكن ينطق ويقولي انتي هوايا
ليه يارب خلقتني انثي ومشاعري تتكتم جوايا
عماله اكلمه ويكلمني ومش عارفه ايه النهايه
-------------------
صرخة انثي
لــ / مايكل سامي
