لما تكون قاعد في امان الله وفجأة تليفونك يرن وزميلك في الشغل يقولك مبروك انت اترقيت ومرتبك زاد .. انت طبعا بتطير من الفرحه .. ماهو ياعم مين قدك
الخبر جالك في ثانية وفرحك
ولكن لو جينا ننظر للموضوع ده من زاوية تانيه ..
هنلاقي من قبل ماتسمع الخبر ده بحوالي اسبوع ان فيه لجنه اجتمعت وقعدت تتناقش وجابت كل الموظفين اللي في شركتها وشافوا مين كويس ومين يستحق الترقيه والزياده في المرتب
وبعد كده طلعوا البيان وعرضوه علي رئيس مجلس الاداره واتختم واتوثق في الحسابات
علشان تقبض زيادتك من الشهر الجاي
حاجات كتيرة حصلت من ورا ضهرك وانت مكنتش تعرف عنها حاجه .. ولا كنت تتوقعها
لحد ماجالك التليفون .. في وقت انت كنت محتاج للزياده والترقيه دي
حياتنا كده بردو صحيح ممكن تكون حاسس بضيق وحاجات كتيرة وبتقول ربنا ناسيني
مين قال انه ناسيك ؟؟ مش جايز هو دلوقتي بيحضر ليك حاجات حلوة جدا وهيبلغك بيها قريب ؟؟؟
استني متستعجلش وقوله يارب اديني مستني
ولو مريت بضيقه صغيره قول وماله اديني مستني
التليفون هيرن قريب متخفش
بس مش هتكون مكالمة من الشركة لا هتكون من السما
صدقوني هيرن
مكالمة تليفون لـ مايكل سامي
