انتظر الرب مايكل سامى

ازيكم ... عارف اني باجي في اوقات مش مناسبه .. بس هدف صفحتي اني اجي في اوقات مش مناسبه
واشكيلكم همي وتشكولي همومكم
ونخلي مع بعضينا كل الأوقات مناسبه
ربنا عادل جدا
مش معني انك مهموم شوية او مريت بمشكلة او اتنين
وصاحبك حياته حلوة ومستقرة وكل حاجه بيفكر فيها بتتم علي خير
ده معناه ان ربنا بيفرق بينكم ... لا
ربنا عادل وميزانه عادل جدا
ممكن يديلك ضيقه وبعد كده يرزقك بـ طفل هادي ومطيع
ويدي صاحبك فلوس ومال وشغل والأنسانه اللي بيحبها بس ميدلوش اطفال
ياخد منك شغلانه كان نفسك فيها ويديلك شغلانه تانيه بعيده عن مجالك بس مرتبها اعلي
ممكن يدي لصاحبك الشغلانه اللي هو عاوزها بس مرتبها ميكونش عالي
ربنا بختبر كل واحد علي حسب احتماله
وخلي بالك .. مفيش حد مش مهموم .. ومش معني ان الناس بتبتسم في وشك يبقي مبسوطه وانت بس اللي شايل الهم .. لا
ياما الأبتسامات بتدراي
هتقولي طيب وليه من الاساس يمنع شخص من الأطفال او يزود لحد همومه

لو الحياة وردي مع الكل ... يبقي فين قوة احتمالك للصعاب اللي ربنا هيحاسبك عليها
كل لما تمر بأمور صعبة وتقول الحمد لله .. كلمة الحمد لله دي عند ربنا ليها حساب
انه ادالك تجربه وانت قدرت تعديها وتحتملها
زي البنك اللي رحت شلت فيه فلوس .. كل لما فلوسك تشتغل كل لما ربحك يزيد
ولا زي الشغلانه اللي انت فيها
كل لما تتعب فيها كل لما تقبض مرتب حلو اخر الشهر
لولا التعب مش هتاخد ربح
بقي مش مستخسر تعب مديرك اللي بيديلك عليه شوية ملاليم ومستكتر تجارب ربنا اللي هتربح بيها الحياة الأبديه ؟؟

يارب زود تجاربي واعطيني القدرة علي احتمالها كي اقل لك الحمد لله يا الهي واربح معك الحياة السمائية وليست الأرضية

ومش معني اني بصبركم ان الحياة معايا بمبي ..
ده انا لو نزلت همومي في ورق هتعمل مجلدات Smile

الحمد لله ... كتير يتمني ربع همومي لأن همومهم صعبة الأحتمال
ومتحكمش علي الامور من اول مشكله .. طول مالسه ليك عمر وحياه علي الأرض
انتظر الرب ...

» قصه للاستاذ مايكل سامى
» اشكر ربك لـ / مايكل سامي
» سأصمت .. لـ مايكل سامي
» كيس الحلوي .. لـ مايكل سامي
» قتلتها ليه ؟؟ / لـ مايكل سامي